منتدى موج العرب

منتدى موج العرب منتدى مصرى عربى يضم جميع الشعوب العربيه فى يدا واحده شعارنا التميز
فاهلا وسهلا بجميع الاعضاء والزوار الكرام
مدير المنتدى زيزو 2014
منتدى موج العرب


    .¸¸.ღ رباعيات صلاح چاهينღ.¸¸.

    شاطر

    قمر
    المديرة العامة
    المديرة العامة

    الجنس : انثى عدد المساهمات : 331
    تاريخ التسجيل : 04/12/2011
    العمر : 31

    .¸¸.ღ رباعيات صلاح چاهينღ.¸¸.

    مُساهمة من طرف قمر في السبت 10 ديسمبر 2011, 1:03 am

    [ندعوك للتسجيل في المنتدى أو التعريف بنفسك لمعاينة هذه الصورة]



    [ندعوك للتسجيل في المنتدى أو التعريف بنفسك لمعاينة هذه الصورة]


    .¸¸.ღ رباعيات صلاح چاهينღ.¸¸.



    خرج ابن آدم من العدم قلت : ياه
    رجع ابن آدم للعدم قلت : ياه
    تراب بيحيا ... وحي بيصير تراب
    الأصل هو الموت و الا الحياه ؟
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ضريح رخام فيه السعيد اندفن
    و حفره فيها الشريد من غير كفن
    مريت عليهم .. قلت يا للعجب
    لاتنين ريحتهم لها نفس العفن
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ياما صادفت صحاب و ما صاحبتهمش
    و كاسات خمور و شراب و ما شربتهمش
    أندم علي الفرص اللي انا سبتهم
    و الا علي الفرص اللي ما سبتهمش
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    و الكون ده كيف موجود من غير حدود
    و فيه عقارب ليه و تعابين ودود
    عالم مجرب فات و قال سلامات
    ده ياما فيه سؤالات من غير ردود
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    أنا شاب لكن عمري ألف عام
    وحيد لكن بين ضلوعي زحام
    خايف و لكن خوفي مني أنا
    أخرس و لكن قلبي مليان كلام
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    يا باب يا مقفول ... إمتي الدخول
    صبرت ياما و اللي يصبر ينول
    دقيت سنين ... و الرد يرجع لي : مين ؟
    لو كنت عارف مين أنا كنت أقول
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    أحب أعيش ولو في الغابات
    أصحي كما ولدتني أمي و ابات
    طائر .. حوان.. حشرة .. بشر ..بس أعيش
    محلا الحياة.. حتي في هيئة نبات
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    سهير ليالي و ياما لفيت و طفت
    و ف ليه راجع في الضلام قمت شفت
    الخوف ... كأنه سد الطريق
    و كنت عاوز أقتله .. بس خفت
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    كان فيه زمان سحليه طول فرسخين
    كهفين عيونها و خشمها بربخين
    ماتت لكين الرعب لم عمره مات
    مع إنه فات بدل التاريخ تاريخين
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    عجبتني كلمة من كلام الورق
    النور شرق من بين حروفها و برق
    حبيت أشيلها ف قلبي .. قالت حرام
    ده أنا كل قلب دخلت فيه اتحرق
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    رقبه قزازة و قلبي فيها انحشر
    شربت كاس و اتنين و خامس عشر
    صاحبت ناس م الخمرة ترجع وحوش
    و صاحبت ناس م الخمرة ترجع بشر
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ليه يا حبيبتي ما بيننا دايما سفر
    ده البعد ذنب كبير لا يغتفر
    ليه يا حبيبتي ما بيننا دايما بحور
    أعدي بحر ألاقي غيره اتحفر
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ورا كل شباك ألف عين مفتوحين
    و انا وانتي ماشيين يا غرامي الحزين
    لو التصقنا نموت بضربة حجر
    و لو افترقنا نموت متحسرين
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    نوح راح لحاله و الطوفان استمر
    مركبنا تايهه لسه مش لاقيه بر
    آه م الطوفان وآهين يا بر الأمان
    إزاي تبان و الدنيا غرقانه شر
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    علي رجلي دم .. نظرت له ما احتملت
    علي إيدي دم.. سألت ليه ؟ لم وصلت
    علي كتفي دم.. و حتي علي رأسي دم
    أنا كلي دم .. قتلت ؟ ..... والا اتقتلت
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    انا كل يوم أسمع ........ فلان عذبوه
    أسرح في بغداد و الجزاير واتوه
    ما أعجبش م اللي يطيق بجسمه العذاب
    و اعجب من اللي يطيق يعذب أخوه
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ينبوع و في الحواديت أنا سمعت عنه
    إنه عجيب .. و ف وسط لهاليب لكنه
    شقيت كما الفرسان طريقي .. لقيت
    حتي الخنازير و الكلاب شربوا منه
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    يا قرص شمس ما لهش قبة سما
    يا ورد من غير أرض شب و نما
    يا أي معني جميل سمعنا عليه
    الخلق ليه عايشين حياه مؤلمة
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    شاف الطبيب جرحي وصف له الأمل
    وعطاني منه مقام يا دوب ما اندمل
    مجروح جديد يا طبيب و جرحي لهيب
    ودواك فرغ مني .... و إيه العمل
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    أعرف عيون هي الجمال و الحسن
    و اعرف عيون تاخد القلوب بالحضن
    و عيون مخيفة و قاسية وعيون كتير
    وباحس فيهم كلهم بالحزن
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    إيش تطلبي يا نفس فوق كل ده
    حظك بيضحك و انتي متنكده
    ردت قالت لي النفس : قول للبشر
    ما يبصوليش بعيون حزينة كده
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    إقلع غماك يا تور وارفض تلف
    إكسر تروس الساقية و اشتم وتف
    قال : بس خطوة كمان .. وخطوة كمان
    يا اوصل نهاية السكة يا البير تجف
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    يا حزين يا قمقم تحت بحر الضياع
    حزين أنا زيك و إيه مستطاع
    الحزن ما بقالهوش جلال يا جدع
    الحزن زي البرد ... زي الصداع
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    في يوم صحيت شاعر براحة و صفا
    الهم زال و الحزن راح و اختفي
    خدني العجب و سألت روحي سؤال
    أنا مت ؟ و لا وصلت للفلسفة
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    الفيلسوف قاعد يفكر سيبوه
    لا تعملوه سلطان و لا تصلبوه
    ما تعرفوش إن الفلاسفه يا هوه
    اللي يقولوه بيرجعوا يكدبوه
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    علي بعد مليون ميل من أرضنا
    من الفراغ الكوني بصيت أنا
    لا شفت فرق بين جبال و بحور
    و لا شفت فرق ما بين عذاب أو هنا
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    إنسان أيا إنسان ما أجهلك
    ما أتفهك في الكون و ما أضألك
    شمس وقمر و سدوم و ملايين نجوم
    و فاكرها يا موهوم مخلوقه لك
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    نظرت فوق للنجوم و انا ساير
    رجليا عترت في الحفر و الحجاير
    بقيت أقول و انا ع التراب: يا سلام
    مش بس عبره أخذت لكن عباير
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    - يا نجم .. نورك ليه كده بيرتجف ؟
    هو انت قنديل زيت ؟ أو تختلف
    - أنا نجم عالي .. بس عالي قوي
    و كل ما انظر تحت اخاف انحدف
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    السم لو كان في الدوا منين يضر ؟
    و الموت لو عدونا .. منين يسر؟
    حط القلم في الحبر و اكتب كمان
    .. و العبد للشهوات .. منين هو حر؟
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    وقفت بين شطين علي قنطرة
    الكدب فين و الصدق فين يا تري
    محتار ح اموت .. الحوت خرج لي وقالي
    هو الكلام يتقاس بالمسطرة
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    سرداب في مستشفي الولاده طويل
    صرخات عذاب ورا كل باب وعويل
    .. وفي الطريق متزوقين البنات
    متزوقين للحب و المواويل
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    الدنيا أوده كبيره للانتظار
    فيها ابن أدم زيه زي الحمار
    الهم واحد .. و الملل مشترك
    و مفيش حمار بيحاول الانتحار
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    أيوب رماه البين بكل العلل
    سبع سنين مرضان وعنده شلل
    الصبر طيب .. صبر أيوب شفاه
    بس الأكاده مات بفعل الملل
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    نسمة ربيع لكن بتكوي الوشوش
    طيور جميلة بس من غير عشوش
    قلوب بتخفق إنما وحدها
    هي الحياه كده .. كلها في الفاشوش
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    يا طير يا عالي في السما طظ فيك
    ما تفتكرشي ربنا مصطفيك
    برضك بتاكل دود و للطين تعًًًًودً
    تمص فيه يا حلو .. و يمص فيك
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    كروان جريح مضروب شعاع م القمر
    سقط من السموات فؤاده انكسر
    جريت عليه قطه علشان تبلعه
    أتاريه خيال شعراء و مالهوش أثر
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ياللي نصحت الناس بشرب النبيت
    مع بنت حلوه .. وعود , وضحك , وحديت
    مش كنت تنصحهم منين يكسبوا
    تمن ده كله ؟ ... و الا يمكن نسيت
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    ما حد في الدنيا واخد جزاته
    و لا حد بيفكر في غير لذاذاته
    ما تعرفيش يا حبيبتي .. أنا و انتي مين؟
    إنتي عروس النيل ... و أنا النيل بذاته
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    رقاصه خرسا و رقصه من غير نغم
    دنيا . . يا مين يصالحها قبل الندم
    ساعتين تهز بوجهها يعني
    يترجرجوا نهديها يعني نعم
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    إخطفني ياللي تحبني ع الحصان
    الدنيا قالت يوم في ماضي الزمان
    إخطفني ياللي تحبني ع الفرس
    الدنيا قالت .. قام خطفها الشيطان
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    من بين شقوق الشيش و شقشقت لك
    مع شهقة العصافير و زقزقت لك
    نهار جديد انا . . قوم نشوف نعمليه
    انا قلت يا ح تقتلني .. يا ح اقتلك
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    جالك أوان ووقفت موقف وجود
    يا تجود بده يا قلبي يا بده تجود
    ما حد يقدر يبقي علي كل شئ
    مع إن – عجبي – كل شئ موجود
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    جالك اوان وعرفت مشي الجنايز
    كيف شفتها يا عبد رب اللذايذ
    قال : شفت شيل بالحيل فقير أو امير
    كما شالوا في الخمامير فواضي القزايز
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    أنا كنت شئ و صبحت شئ ثم شئ
    شوف ربنا .. قادرعلي كل شئ
    هز الشجر شواشيه ووشوشني قال :
    لابد ما يموت شئ عشان يحيا شئ
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    يا مشرط الجراح أمانة عليك
    و انت ف حشايا تبص من حواليك
    فيه نقطة سوده في قلبي بدأت تبان
    شيلها كمان .. و الفضل يرجع إليك
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    كيف شفت قلبي و النبي يا طبيب
    همد و مات و الا سامع له دبيب
    قاللي لقيته مختنق بالدموع
    و ما لوش دوا غير لمسه من إيد حبيب
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    تسلم يا غصن الخوخ يا عود الحطب
    بييجي الربيع .. تطلع زهورك عجب
    و انا ليه بيمضي ربيع وييجي ربيع
    و لسه برضك قلبي حتة خشب
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    قلبي عليل يا ناس و في الكاس دواه
    مديت له إيدي شربت م اللي حواه
    جنبي الشمال خف .. اليمين اتوجع
    و إيه يداوي الكبد م اللي كواه
    عجبي!!

    [ندعوك للتسجيل في المنتدى أو التعريف بنفسك لمعاينة هذه الصورة]

    .. دي مزكرات و كتبتها من سنين
    في نوتة زرقا لون بحور الحنين
    عترت فيها .. رميتها في المهملات
    وقلت صحيح أما صحيح كلام مخبولين
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    دخل الشتا وقفل البيبان ع البيوت
    وجعل شعاع الشمس خيط عنكبوت
    وحاجات كتير بتموت في ليل الشتا
    لكن حاجات أكتر بترفض تموت
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    الدنيا من غير الربيع ميته
    ورقة شجر ضعفانه و مفتته
    لا يا جدع غلطان تأمل وشوف
    زهر الشتا طالع في عز الشتا
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ياللي انت بيتك قش مفروش بريش
    تقوي عليه الريح .. يصبح ما فيش
    عجبي عليك حواليك مخالب كبار
    و ما لكش غير منقار و قادر تعيش
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    سمعت نقطة ميه جوه المحيط
    بتقول لنقطه ما تنزليش في الغويط
    أخاف عليكي م الغرق .. قلت أنا
    ده اللي يخاف م الوعد يبقي عبيط
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    بحر الحياه مليان بغرقي الحياه
    صرخت خش الموج في حلقي ملاه
    قارب نجاه .. صرخت قالوا مفيش
    غير بس هو الحب قارب نجاه
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    فارس وحيد جوه الدروع الحديد
    رفرف عليه عصفور وقال له نشيد
    منين .. منين.. و لفين لفين يا جدع
    قال من بعيد و لسه رايح بعيد
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    كان فيه قمر كأنه فرخ الحمام
    علي صغره دق شعاع شق الغمام
    أنا كنت حاضر قلت له ينصرك
    إشحال لما حتبقي بدر التمام
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    النهد زي الفهد نط اندلع
    قلبي انهبش بين الضلوع و انخلع
    ياللي نهيت البنت عن فعلها
    قول للطبيعة كمان تبطل دلع
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    صوتك يا بنت الإيه كأنه بدن
    يرقص يزيح الهم يمحي الشجن
    يا حلوتي و بدنك كأنه كلام
    كلام فلاسفه سكروا نسيوا الزمن
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    كرباج سعاده وقلبي منه اجلد
    رمح كأنه حصان و لف البلد
    و رجع لي نصل الليل و سألني .. ليه
    خجلان تقول انك سعيد يا ولد
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    مزيكة هادية الكون فيها انغمر
    وصيف و ليل و عقد فل و سمر
    يا هلتري الناس كلهم مبسوطين
    و يا هلتري شايفين جمال القمر ؟
    عجبي!!

    [ندعوك للتسجيل في المنتدى أو التعريف بنفسك لمعاينة هذه الصورة]

    إنشد يا قلبي غنوتك للجمال
    و ارقص في صدري من اليمين للشمال
    ما هوش بعيد تفضل لبكره سعيد
    ده كل يوم فيه الف الف احتمال
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    آه لو انا و محبوب جزنا الفضا
    في سفينة وحدينا .. واشيا رضا
    ساعة صفا تعجبنا نرجع لها
    و الهم قبل ما ييجي .. يبقي مضى
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    أنا إله الوجد رب الهيام
    أضرب بسهم الوهم وهم الغرام
    و هم الغرام من كتر ما هو لذيذ
    رشقت انا ف صدري جميع السهام
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    حدوته عن جعران و عن خنفسه
    اتقابلوا حوا بعض ساعة مسا
    و لا قال لهم حد اختشوا عيب حرام
    و لا حد قال دي علاقة متدنسة
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    ياللي عرفت الحب يوم و انطوي
    حسك تقال مشتاق لنبع الهوي
    حسك تقول مشتاق لنبع الغرام
    ده الحب .. مين داق منه قطره...ارتوي
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    زحام و أبواق سيارات مزعجة
    للي يطول له رصيف.. يبقي نجا
    لو كنت جنبي يا حبيبي أنا
    مش كنت أشوف إن الحياة مبهجة
    عجبي!!

    [ندعوك للتسجيل في المنتدى أو التعريف بنفسك لمعاينة هذه الصورة]

    إيديا في جيوبي وقلبي طرب
    سارح في غربة بس مش مغترب
    و حدي لكين ونسان و ماشي كده
    وبابتعد ما اعرف .. أو باقترب
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    يا ميت ندامه ع القلوب الخلا
    لا محبة فيها و لا كراهه ولا
    حتي يا قلبي الحزن ما عادش فيك
    معلهش .. لك يوم برضه راح تتملا
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    مرحب ربيع مرحب ربيع مرحبه
    يا طفل يا للي ف دمي ناغا وحبا
    علشان عيونك يا صغنن هويت
    حتي ديدان الأرض و الأغربة
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    فتحت شباكي لشمس الصباح
    ما دخلش منه غير عويل الرياح
    و فتحت قلبي عشان ابوح بالألم
    ما خرجش منه غير محبه و سماح
    عجبي !!!!

    [ندعوك للتسجيل في المنتدى أو التعريف بنفسك لمعاينة هذه الصورة]

    غمست سنك في السواد يا قلم
    عشان ما تكتب شعر يقطر ألم
    مالك جرالك إيه يا مجنون ... و ليه
    رسمت ورده وبيت و قلب و علم
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    انا الذي عمري اشتياق في اشتياق
    و قطر داخل في محطة الفراق
    قصدت نبع السم وشربت سم
    من كتر شوقي وعشمي في الترياق
    عجبي !!!

    [ندعوك للتسجيل في المنتدى أو التعريف بنفسك لمعاينة هذه الصورة]

    انا الذي عشت الزمن مضيعه
    بروح حزينة معفنة مضعضعه
    زرعت شجرة سنط لجل انجرح
    لقتها شعر البنت و مفرعه
    عجبي !!

    [ندعوك للتسجيل في المنتدى أو التعريف بنفسك لمعاينة هذه الصورة]

    لو فيه سلام في الأرض وطمان و أمن
    لو كان مفيش و لا فقر و لا خوف جبن
    لو يملك الانسان مصير كل شئ
    انا كنت اجيب للدنيا ميت ألف ابن
    عجبي !!




    [ندعوك للتسجيل في المنتدى أو التعريف بنفسك لمعاينة هذه الصورة]

    ميدو العربى
    عضو سوبر
    عضو سوبر

    الجنس : ذكر عدد المساهمات : 755
    تاريخ التسجيل : 04/12/2011
    العمر : 31

    رد: .¸¸.ღ رباعيات صلاح چاهينღ.¸¸.

    مُساهمة من طرف ميدو العربى في الأحد 11 ديسمبر 2011, 12:53 am

    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]

    عماد
    عضو فعال
    عضو فعال

    الجنس : ذكر عدد المساهمات : 152
    تاريخ التسجيل : 06/12/2011
    العمر : 42

    رباعيات صلاح چاهين

    مُساهمة من طرف عماد في الأحد 11 ديسمبر 2011, 4:01 pm

    [ندعوك للتسجيل في المنتدى أو التعريف بنفسك لمعاينة هذه الصورة]

    قمر
    المديرة العامة
    المديرة العامة

    الجنس : انثى عدد المساهمات : 331
    تاريخ التسجيل : 04/12/2011
    العمر : 31

    رد: .¸¸.ღ رباعيات صلاح چاهينღ.¸¸.

    مُساهمة من طرف قمر في الأربعاء 14 ديسمبر 2011, 9:21 pm

    ذيدان العوضى * عماد

    [ندعوك للتسجيل في المنتدى أو التعريف بنفسك لمعاينة هذه الصورة]

    صـمت البوح
    عضو فعال
    عضو فعال

    الجنس : ذكر عدد المساهمات : 276
    تاريخ التسجيل : 07/12/2011
    العمر : 26

    رد: .¸¸.ღ رباعيات صلاح چاهينღ.¸¸.

    مُساهمة من طرف صـمت البوح في الثلاثاء 27 ديسمبر 2011, 6:58 am

    بوحك دائما يتغلغل داخل الاورده

    يسرى الى القلب دافىء المشاعر


    ليهب لنا عذوبه المعنى و التمنى

    كوني بخير دائما

    وهبك الرحمن كل ما تتمنيه

    قمر
    المديرة العامة
    المديرة العامة

    الجنس : انثى عدد المساهمات : 331
    تاريخ التسجيل : 04/12/2011
    العمر : 31

    رد: .¸¸.ღ رباعيات صلاح چاهينღ.¸¸.

    مُساهمة من طرف قمر في الأربعاء 28 ديسمبر 2011, 3:38 am

    يسلمووووو صمت البوح علي مرورك وعلي ذووووقك اااااامين يارب العالمين نحقق امانينا
    [ندعوك للتسجيل في المنتدى أو التعريف بنفسك لمعاينة هذه الصورة]

    زيزو العوضى
    مؤسس الموقع
    مؤسس الموقع

    الجنس : ذكر عدد المساهمات : 1003
    تاريخ التسجيل : 03/12/2011
    العمر : 36

    رد: .¸¸.ღ رباعيات صلاح چاهينღ.¸¸.

    مُساهمة من طرف زيزو العوضى في الإثنين 05 نوفمبر 2012, 1:41 pm

    [ندعوك للتسجيل في المنتدى أو التعريف بنفسك لمعاينة هذه الصورة]

    قمر
    المديرة العامة
    المديرة العامة

    الجنس : انثى عدد المساهمات : 331
    تاريخ التسجيل : 04/12/2011
    العمر : 31

    رد: .¸¸.ღ رباعيات صلاح چاهينღ.¸¸.

    مُساهمة من طرف قمر في الخميس 13 مارس 2014, 6:50 pm

    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الأحد 22 يناير 2017, 5:17 pm